“Kung puro protesta pero wala namang inihahain na solusyon edi wala din kwenta. It's just a bunch of people whining. I don't wanna rain on the protesters parade (no pun intended) but really, impeachment na naman? So, wait, may ipapalit ba? Hindi naman pagkilos ang sagot sa problema pati na ang pagpapatanggal ng mga nahalal na mamuno. Avoid the problem before it happens and that means we must become more VIGILANT. Keep an eye on those in power BEFORE they do something stupid.
What I see here is we are also part of the problem,it's not just the president's fault. We have become a generation of apathetic whiners. And if the only solution we have is street protests, then protesters will never run out of jobs because they'll never run out of things to complain about. Yes it is close to impossible to change the system and corruption has become tradition in this country but unless we learn from OUR mistakes not just our leaders' and actually do something about it rather than take to the streets, history will continue to repeat itself.
If we want change, we should start with OURSELVES; the way we think, the way we act. We can't make a difference if we all remain the same.” –Ms. Ria Bautista
Paglilinaw para sa mga katulad ni Bb. Ria Bautista
Mapagpalayang araw. Ibig kong ilinaw ang, sa aking palagay, ilang napakalaking kahinaan sa iyong mga pahayag noong araw ng SONA tungkol sa mga taong nagpoprotesta sa kalsada at ang panawagang impeachment. Mahalagang gumuhit ng linya sapagkat ikaw ay isang artista na nakakapag-ambag sa paglikha ng pampublikong opinyon.
Likas sa atin ang pagpoprotesta. Lalo’t inilalagay tayo sa bingit ng alanganin. Sanggol pa lamang ay nagpoprotesta na tayo. Patunay ito kapag nagugutom o masama ang pakiramdam ng bawat sanggol. Umiiyak upang ipaalam ang pagkalam ng sikmurang nangangailangang mapunan. Hindi dahas ang magpapatahan sa kanyang sikmurang naghahangad masayaran ng gatas. Hindi palo. Sapagkat daragdag lamang ito sa ibayo pang pagpalahaw ng sanggol at dagdag sa hirap na kanyang nararanasan.
Hindi isang protesta lamang na walang inihahain na solusyon. Ang ganoong pahayag ay labis na pangmamaliit sa lakas at kapangyarihan ng sama-samang pagkilos ng mamamayan. Ang paglalahat ni Bb. Ria Bautista ay iresponsableng pahayag na hindi isinasaalang-alang ang aral ng kasaysayan. Pinatunayan na po ng kasaysayan ang magagawa ng bawat kilos protesta. Hindi ko alam kung ano ang tinapos ninyong pormal na edukasyon. Hindi ko alam kung nakakuha kayo ng mga asignaturang Sibika at Kultura o klase sa Kasaysayan noong elementarya, hayskul, at kolehiyo. Hindi ko alam kung ano ang iyong pinagkakaabalahan (o kung ipinanganak na kayo) sa nakaraang dalawamput walang taon noong gapiin ng mamamayan ang diktadurya ng pamahalaang pinamumunuan ni Ferdinand Marcos. Hindi ko alam kung nakatulog kayo ng mahimbing noong patalsikin ng mamamayan ang isang korap na pangulong nagngangalang Joseph “Erap” Estrada noong 2001.
Marami pong inihahaing solusyon ang bawat protesta. We are not a bunch of people whining. Kung hindi po ninyo nakikita at binabasa ang bawat karatula at placard na bitbit sa mga rally ng mga nagpoprotesta, sa tingin ko, mas masahol pa kayo sa mga nasa palasyo at nananatiling manhid at bingi sa karaingan ng mamamayan. Mas malala pa kayo sa mga nilalang na pinagkaitang makakita ang mga mata. Naroon kasi ang bawat solusyong inihahain. Naroon po ang panawagan ng bawat kilos protesta. Kung hindi ninyo naririnig ang mga isinisigaw ng mga nagpoprotesta, katulad ka na rin ng mga nasa kapangyarihang daig pa ang mga bingi sa pagbalewala sa mga panawagan isinasatinig ng bawat kilos protesta. Hindi mo man lamang ba ipinagtataka kung bakit sa halip na harapin at makipag usap sa mga nagpoprotesta, mga pulis at militar ang ipinantatapat ng pamahalaang ito? Imbes na makinig at bigyang solusyon ang hinaing ng mga nagpoprotesta, bakit mga truncheon at pamalo at barb wire at truck ng bumbero ang ipinanghaharang sa mga nagpoprotesta? Bakit karahasan ang itinutugon ng gobyerno, na kailanman ay hindi naging solusyon, sa kahirapan at problemang dinaranas ng sambayanan?
Isang hakbang lamang ng mamamayan o mga aktibista ang kilos protesta tungo sa pag-abot ng solusyon. Hindi simpleng pagbibigay sisi ito sa mga nagdaan at kasalukuyang presidente. Ito ay paniningil sa patuloy na pagsasawalang bahala at pagtalikod sa kanyang sinumpaang tungkulin sa kanyang mga tunay na “boss” na hanggang sa sandaling ito ay patuloy niyang nililinlang gamit ang kanyang pahirap na “tuwid na daan.”
Bago ko malimutan, ano nga pala ang iminumungkahe mong solusyon sa kahirapang dinaranas ng mamamayan sa kasalukuyan?
Kung ang solusyon para sa iyo ay simulan ang pagbabago sa sarili sa palagay ko may problema tayo sa inihahapag mong solusyon. Madaling sabihing simulan ang pagbabago sa ating mga sarili, ngunit kahit ang ganoong mungkahi ay kasing labo lamang ng isang malabong paninging inalisan ng antipara. Katulad lamang ito nang pagtatapat ng dahas sa halip na makinig at bigyang solusyon ang karaingan ng mga nagpoprotesta na nananawagan para sa tunay na reporma sa lupa at suporta ng gobyerno sa agrikultura. Ang bawat kilos protestang nananawagan para sa seguridad sa trabaho, makabuluhan at nakabubuhay na sahod at pagbasura sa kontraktuwalisasyon ay hindi mareresolba sa pamamagitan ng pagbabago sa sarili. Paano bibigyang solusyon ng pagbabago sa sarili ang problema ng mga inagawan ng lupang sakahan at patuloy na pinagkakaitang mabuhay ng marangal? Paano reresolbahin ng pagbabago sa sarili ang patuloy na pagpapabaya ng gobyerno sa mga nasalanta ng bagyo at hanggang ngayon ay patuloy na nagtitiis sa masikip at malamok na evacuation center na kulang sa mga palikuran, at iba pang pangangailangan? Paano reresolbahin ng pagbabago sa sarili ang patuloy na pagpapabaya para sa desenteng panirahan?
Kahit mayroong mga batas na nangangalaga at nagpoprotekta sa mamamayan at sa yaman nito, nagagawa pa rin ng mga nasa poder at mga magnanakaw sa yaman ng bayan ang lahat upang paikutin ang batas sa kanilang mga kamay. Bakit hindi kayo nagbigay rin ng partikular na pahayag sa mga taong korap at kasangkot sa isyu ng DAP at PDAF? Ang nakakabagahe sa pahayag ng mga tulad mo Bb. Ria, inuusig mo ang mamamayang biktima ng mapagsamantalang sistema. Tulad mo rin kaming biktima pero hindi mo inusig ang mga salarin sa ating pagdurusa.
Hindi indibidwalistang pagtingin na pagsisimula ng pagbabago sa sarili ang makakapagbigay solusyon sa patuloy na lumalalang krisis sa bansa. Kolektibong pagharap sa problema ang solusyon. Sama-samang pagkilos ang dahilan bakit wala na tayo sa ilalim ng diktaduryang Marcos. Ito ang dahilan bakit kahit papaano tinatamasa ng mga nagtatrabaho ang walong oras na trabaho mula sa dating higit na sampung oras na pagtatrabaho sa mga pagawaan at empresa. Sama-samang pagkilos bakit mababa pa rin ang matrikula sa PUP na ngayon ay nananatiling Php12 kada unit. Sama-samang pagkilos ang nagbukas upang ang mga kababaihan sa bansa ay nakakaboto na ngayon at kinikilala na ang kanilang mga kakayanan. Sama-samang kilos ang ginawa ng mga Igorot sa pangunguna at inspirasyong ibinigay ng dakilang si MaCliing Dulag noong tutulan nila ang mga militar at mga nagbabalak paalis sila upang magtayo ng dam sa kanilang lupang ninuno sa probinsya ng Kalinga. Kilos protesta ng mamamayan ang dahilan bakit napalayas ang mga baseng military noong 1990’s sa bansa.
Higit na marami pang maibibigay na dahilan ang iba pang mga taong bahagi at kasama sa mga kilos protesta. Kulang pa ang katuwiran na binanggit ko sa siping ito. I suggest and I dare the likes of Ms. Ria Bautista to sit down and have a relevant discussion with this bunch of people being called as whiners. I dare you to listen. For once in your life, I dare you to take a timeout from your busy schedules and live with these people of whiners who always experience being oppressed. The least, talk to them and please, listen with your open heart. In that way, I am quite sure you’ll begin to understand why we have to join hands and protest to this oppressive government. You will begin to understand why we have to protest and change this oppressive system we have as of the present. And we can’t simply solve the problem by starting with ourselves. We have to collectively go out of our comfort zone and break out of the status quo. Protesting is one step to reaching the solution. Besides, we are not just protesting. Most of our times are spent in learning that springs out from living with the people. With the indigenous tribes, peasants, workers, fisher folks, youth, and other sectors being enslaved by the current system.
It is not close to impossible to change the system and the corruptions that have been living in the current system. These ‘people of whiners’ learned from their mistakes and value that lesson more than you do. These ‘people of whiners’ value their history so much that they refuse to keep calm and do nothing to solve the worsening crisis. That is the very reason why they are taking the streets and protesting. They are doing something to resolve the problem they are experiencing every day. They do not want to be eaten up by the status quo that you Ms Ria is actually promoting with such uninformed opinion you’re giving out. And this status quo has been oppressing the people for decades now.
If we want change, we should not only start with OURSELVES; we should unite with the people and take collective actions even to the point of taking the streets. Even to the point of taking arms if the situation calls for it. We can make a difference if we continue to unite and fight this oppressive system. And we can make a difference not from own doing but with the people.
Kung ikaw ay gumagawa ng aksyon mula noong pakiramdam mo ay itinutulak ka ng mga taong binu-bully ka kamo, ganoon din ang mga taong nagpo-protesta. Ang tawag sa aksyon mo ay protesta rin. Ang kaibahan lamang, kung susuriin natin, (maliban sa mga tao na atakeng personal na ang pamamaraan at tunay naming hindi dapat ganoon) sinusubok ng mas marami na ipaunawa sa iyo na may kahinaan sa pahayag mo tungkol sa mga kilos protesta at panawagang impeachment. Hindi ko alam kung inuunawa mo ba ang mga ito at iniintindi o sadyang nagsara ka na ng puwang upang tanggapin ang kawastuhan sa mga paliwanag at sariling palagay mo na lamang ang inaakalang tama.
Mas mabigat ang pambu-bully na dinaranas ng mamamayan mula sa mga ganid na dayuhan at lokal na kapitalista, korap na opisyal ng gobyerno at sa mga sakim na panginoong may lupa ngunit malalim nilang inaral ang kalagayan at nakita nila na ang unang hakbang sa pagkamit ng katarungan ay nasa sama-samang pagkilos. Binu-bully sila araw araw dahil sa laganap na korapsyon pero ikaw ba sa sarili mo ay kumatig sa mamamayang biktima at apektado ng korapsyong laganap sa sistema natin? Ipinahayag mo ba ang iyong pakikiisa sa mamamayan? Hindi, Bb. Ria. Minaliit mo pa ang tanging bagay na magbibigay laya sa pang-aaping ating dinaranas.
Sa aking palagay, panahon na upang makita mo ang tunay na larawan ng lipunan. Sana maliwanagan ka na hindi ito simpleng hiling. Hindi ito simpleng awiting ginagawa mo tungkol sa pag-ibig. Higit ito roon. Tungkol ito sa buhay. Tungkol ito sa ngayon at kinabukasan. Tungkol ito sa kumakalam na sikmura. Tungkol ito sa patuloy na pagkakait ng mga karapatan. Tungkol ito sa iyo at sa marami pang ibang ipinagwawalang bahala na lang ang tunay na problema at sinisikap mamuhay na sinisimulan ang pagbabago sa sarili. Hindi iyon sapat Bb. Ria. Higit pa roon ang kailangan nating gawin. At sa sandaling ito, sinasabi ko sayo na hindi titigil ang mga kilos protesta hanggang patuloy na ipinagkakait sa mamamayan ang mga demokratikong karapatang dapat matamasa. At ang IMPEACHMENT ay isa lamang sa napakaraming panawagan ng mamamayan hanggang patuloy sa pagtalikod sa sinumpaang tungkulin ang kahit sinong pangulo at iba pang pulitikong inihalal upang matapat na isulong ang interes at karapatan ng mamamayan tungo sa makatarungang lipunan. Hindi ito usapin kung may papalit ba sapagkat laging mayroong hahalili. Kaya nga nariyang ang Transition Council na inihahapag ng kalakhan ng mga kumilos noong nakaraang SONA. Ang usapin dito ay ang patuloy nating pagkilos upang siguraduhing matigil na ang pagsasawalang bahala ng mga nahalal na pinuno sa gobyerno.
Hangad naming maglinaw at magmulat. Batid naming ang pahayag na tulad ng kay Bb. Ria Bautista ay bunga lamang ng bulok na kulturang ipinapalaganap ng kasalukuyang sistema. Bukas ang aming pinto para makipagtalakayan. Ikalulugod namin na maupo kasama ang mga tulad ni Bb. Ria Bautista sa isang educational discussion upang makapaglinaw at matuto. Hindi pa huli ang lahat para sa ating bayan. Laging may pag-asa. At hindi kami sorry not sorry. Nakakaramdam kami ng sorry sa bawat kahinaan, arogansyang aming naipapakita at handang magwasto. Hindi lang sa indbidwal na pagwawasto kundi sa pamamaraang kolektibo. Kung ano man ang naging kahinaan ng ilan sa aming mga kasamahan ay huwag sana ito ang mangibabaw para hindi ka tumanggap ng katuwiran at makipag-isa sa naliliwanagang mamamayan. Sa tingin ko kailangan mo namang gumawa ng paghakbang. Ang totoo hinihintay ko ring sawayin mo ang mga taong nagkomento sa iyong FB status na lagpas na ang atake sa mamamayan at may maling pag-intindi sa mga nagra-rally. Nalulungkot ako na hanggang ngayon hindi mo itinatama ang kanilang maling pagtingin. Sarili mo lang ang isinasalba mo gayong may mga aktibistang nanawagan pa na huwag kang atakihin ng personal bagkus ay unawain ka at magpaliwanag.
Karamihan sa mga nagpo-protesta ay mga manggagawa, magsasaka, mangingisda, guro, pedicab driver, vendor, burgis, kabataan, mag-aaral, at iba pang kabilang sa pinagsasamantalahan. Mga prinsipyado silang mga tao. Hindi sila mga whiner.
May tungkulin kang itama ang mga lagpas na pahayag tungkol man ito sa iyo o hindi, tulad ng ayaw mo ring mamali ang pagtingin sa iyong pahayag. Sana sa susunod huwag kayong magbitaw ng mga pagtingin na hindi kumikiling sa interes ng mamamayan. Sana huwag kayong magbigay ng pahayag nang hindi sinusuri muna kung wasto ba ito o makakasama sa interes ng nakararami. Panlawakan mo ang pang unawa mo. Sabi nga, laging may dalawang bahagi. Huwag kang mawalan ng pasensyang magpaliwanag. At huwag kang magsawang unawain ang mga taong may maling pagtingin sa iyo. Maraming salamat. Hanggang sa muli. Para sa pagtatagumpay ng pakikibaka ng mamamayang inaapi.
