[muling ipinaskil] Payo sa Estudyanteng Mahilig Mag-aral

mula kay Danilo Araña Arao

NAPAPANGITI ka na ngayon dahil patapos na ang klase. Kukuha ka na lang ng mga pinal na eksaminasyon at tatapusin ang iba pang kinakailangan para sa mga klase mo. Ngayon pa lang, baka may ideya ka na kung ano ang grado mo para sa semestreng ito.

Malaki ba ang tsansa mong magtapos sa kolehiyo nang may karangalan? Sana naman.

Binabati kita sa patuloy mong pagpupunyagi para matapos ang kursong kinukuha mo. Kakaunti lang sa ating kabataan ang may oportunidad na makatuntong sa kolehiyo, at magandang isiping hindi mo sinasayang ang mga pinaghirapan ng iyong magulang.

At may dahilan naman ang araw-araw mong "pakikibaka" sa loob ng klasrum: Malamang na inaasahan ka ng mga mahal mo sa buhay na bigyan sila ng magandang bukas. Ginagawa nila ang lahat para maging magaan ang iyong buhay sa kolehiyo. Hindi ka masyadong nag-aalala sa mga gastusin sa eskuwelahan, at handa silang magbigay ng anumang kailangan mo.

Para sa iyo, napakalaki nang pakikibaka ang pag-intindi sa mga paksang napakahirap matutuhan tulad ng pagsusulat at matematika. At dahil hindi opsiyon ang pagbagsak mo sa klase, sinusunod mong lahat ng sabihin sa iyo ng mga propesor, at minsan nga'y hindi mo na sinusuri kung natututo ka ba sa mga proyektong pinapagawa sa iyo at sa mga eksaminasyong kinukuha mo.

Ang iyong edukasyon ay napapako na lang sa simpleng pagmemorya ng mga konsepto't teorya, at hindi mo na isinasakonteksto ang mga ito sa sitwasyon ng ating lipunan.

Sa isang banda, bakit mo nga naman kailangang iugnay pa ang anumang natututuhan mo sa klasrum sa iyong mga nakikita sa labas nito? Hindi naman ito kailangan sa klase at siyempre'y hindi kasama sa pagkompyut sa inaasam mong mataas na grado. Limitado lang ang alam mo sa sitwasyon ng ating bayan. Mula sa eskuwelahan, deretso ka na sa bahay para muling magsunog ng kilay bilang paghahanda sa mga susunod pang klase.

Napapansin mong may ilan kang kaklaseng may ibang disposisyon sa buhay. Madalas na nakasuot sila ng pula at matiyaga silang mag-anyaya sa iyong sumama sa anumang kilos-protestang inoorganisa nila. Magalang kang tumatanggi sa kanila, at kung minsa'y ngang nagsasabi kang gustuhin mo mang sumama ay may iba ka pang mahalagang "lakad."

Pero aminin mo: Ayaw mo talagang sumama sa kanila, kahit panandalian lang, dahil iba ang iyong paniniwala. Gusto mong manatiling isang simpleng estudyanteng may perspektibang tapusin ang pag-aaral at magkaroon ng pang-akademikong karangalan. Hindi mo dapat talikuran ang iyong obligasyon sa pamilya dahil inaasahan ka nila.

Kumpara sa ibang estudyanteng ginugugol ang panahon sa pagbubulakbol, talaga namang may dahilan para ipagmalaki ka ng iyong mga mahal sa buhay.

Sa puntong ito, mainam lang na isipin mo kung ang iyong dahilan ba ay may kabuluhan. Kahit na hindi masamang itaguyod ang sariling kapakanan at pamilya, nararapat lang na isipin din at iugnay ang indibwal sa lipunan, ang personal sa pulitikal.

Ang pagbabago ng disposisyon ay hindi nangangahulugan ng pagtalikod sa mga pang-akademikong obligasyon bilang estudyante, bagama't malinaw na ito ay dagdag na responsibilidad para sa iyo. Pero kung alam mo ang kahalagahan ng iyong ginagawa, maniwala kang hindi magiging personal na bagahe ang anumang gagawin mo sa labas ng klasrum.

Kung susuriin mo lang ang nangyayari sa lipunan at isasakonteksto ang personal na ambisyon sa kapakanan ng bayan, malalaman mo kung bakit kailangang kumilos para sa pagbabago ang malawak na bilang ng kabataan.

Sa katunayan, inaasahan ito sa iyo dahil nabubuhay tayong lahat sa isang panahong kailangang kumilos ang lahat (kahit ang kabataang katulad mo) para makamit ang minimithing pagbabago sa lipunan. Kung nakatira ka sa kalunsuran, malamang na hindi mo agarang mapapansin ang mga manipestasyon ng tumitinding paghihirap ng nakararaming mamamayan at pangkabuuang kahirapan sa ating bayan.

Kilalanin mong mabuti ang mga kaklase mong may ibang disposisyon sa buhay. Ang talino nila'y ginagamit hindi lang sa pang-akademikong pag-aaral kundi sa pagsusuri ng nangyayari sa ating paligid.

Madalas mong marinig mula sa kanila ang argumentong hindi makikita sa apat na sulok ng klasrum ang edukasyong kinakailangan ng kabataan, dahil ang pagkamulat ay mangyayari lang sa labas nito. Hindi ito simpleng diskurso ng mga estudyanteng walang magawa sa buhay. Ito ang klase ng pag-aaral na ginagawa nila.

Naghihintay ang mahaba-habang bakasyon ngayong Oktubre bago ka bumalik sa eskuwelahan para sa ikalawang semestre. Mas makabuluhang "pakikibaka" ang naghihintay sa iyo kung magdesisyon kang palawakin at palalimin pa ang iyong pag-aaral.



Para makipag-ugnayan sa awtor, pumunta sa www.dannyarao.com.

BOYKOT KOWLOON HOUSE

"Maaaring manggagawa ka na din... o kaya ang iyong mga magulang ay kapara nilang mga manggagawang lumilikha ng mga bagay na nagpapanatili ng silbi ng buhay... at dahil dito hindi hiwalay ang laban nila sa laban ng mamamayang Pilipino na sa kasalukuyan ay patuloy na pinagsasamantalahan ng mga ganid na nasa pwesto mga ganid na kapitalista at may-ari ng malalaking empresa hasyenda at makinaryang nagtutulak sa mamamayan sa busabos na kalagayan lumahok ka sa paglaban!"


INSTRUCTIONS: Please read the petition first before signing INSTRUCTIONS:/ Please sign by writing your NAME/SCHOOL/PLACE OF WORK/WEBSITE[if any]/ORGANIZATION & Position[if any]) INSTRUCTIONS: Whenever the signatures reach to a hundred (ex. 100, 200, 300 and so forth), please forward to solidarity125.up.diliman@gmail.com

INSTRUCTIONS: For more information, please email us at solidarity125.up.diliman@gmail.com

We, the undersigned, support the ongoing strike of the workers of the Kowloon Restaurant in West Avenue, Quezon City. We support the strike as a legitimate way for the workers to defend their rights, in the face of a Restaurant Management that has violated minimum wage laws, and a National Labor Relations Commission that does not base its decisions on the Law it is supposed to uphold. We support the workers in their call for the Management to follow minimum wage laws. As of present, the minimum wage for workers in the National Capital Region is at P382. Yet, before the workers held picket-protests last June 20-21, the 2 most recent wage hikes (amounting to P82) were not being implemented by the Management. We support the workers in their call for the National Labor Relations Commission to reverse its decision calling the picket-protests an “illegal strike”. The Labor Code clearly states that a strike is a “disruption of operations”. Yet, the pickets were held outside the workers’ work hours, and away from the entrances of the Restaurant. This decision is the supposed legal basis for firing all 73 workers who are members of their union. We support the workers in calling for the reinstatement all 73 of them who were fired for simply exercising their rights to free speech and peaceful assembly, rights that are enshrined in our Constitution. We call on the Department of Labor and Employment, and other concerned Government agencies, to investigate and take action on the following: the Management’s violation of the minimum wage (including paying all its contractual employees a minimum daily wage of P250), the unjust decision of the NLRC, the illegal termination of the 73 workers, and the presence of policemen that violate the Labor Code’s banning of policemen and military within 50 meters of any picket line. MOST IMPORTANTLY, we urge all our fellow Filipinos to support the strike of the Kowloon workers by boycotting the Kowloon Restaurant until the Management reinstates the 73 workers, and pays them the Minimum Wage that is mandated by law. We urge everyone to sign this petition and forward it to everyone they know, until it reaches concerned authorities. Signed,
1. Will Ann Mardo / UPD-NCPAG / Lead Convener, Solidarity 125-UP Diliman
2. Ma. Carmela Julita Lagang / UPD-CSWCD / Lead Convener, Solidarity 125-UP Diliman; University Student Council
3. Gem Garcia / UPD-CMC / redbutterfly766.multiply.com / Chairperson, ANAKBAYAN-UP Diliman
4. Ma. Vida Malaya / UPD-CSWCD / ANAKBAYAN-UPD
5. Menard Seguenza / UPD-CAL / College of Arts and Letters Student Council, Sigma Kappa Pi Fraternity
6. Julian Makilan / UPD-CHE / Secretary General, Alay Sining
7. Anna Katrina Tejero / UPD-CMC / tejjy.multiply.com / ANAKBAYAN-UPD
8. Soraya Escandor / 8703aiaaia.multiply.com / UPD-CE / ANAKBAYAN-UPD
9. Yasmin Ongay / UPD-CSWCD / UP Muslim Students Association
10. Faye delos Santos / UPD-CEd / fayeroahspeaks.multiply.com
11. Kamz Deligente / UPM-CAS / ASAP-KATIPUNAN, Kasama sa UP Executive Vice-Chair
12. Jigs Tenorio / UPM-CAS / Chairperson, College of Arts and SCIENCES Student Council
13. Erica Chester Bucog / UPM-CAS / Kabataang Artista para sa Tunay na Kalayaan
14. Rafael Antonio Dulce / UPD-CSWCD / redstudentswill.multiply.com / National Vice-Chair, ANAKBAYAN; University Student Council 07-08
15. Rex Nepomuceno / UPD-KAL / ANAKBAYAN
16. Jay del Rosario / UPM-CAS / lucasusf.multiply.com / Chairman, Kabataang Artista para sa Tunay na Kalayaan - UPM , CAL SC 07-08
17. Arianne Johan Catsao / UPM-CAS / ariannejohan.multiply.com / Anakbayan
18. Adam Gorospe / UPD-CSWCD / shinhikaru.multiply.com / Vice President, UP Methodist Student Movement; Batch 7A Representative, UP Daluyong
19. Mennie Ruth Viray / UPD -SLIS Student Council / Sigma Delta Pi Sorority
20. Ansherina Grace Talavera / UPD-NCPAG / ANAKBAYAN-UPD / lostjedi.multiply.com / Chairperson, PULSE-NCPAG
21. Jason Listana Prila / UP-ARKI /up harong, up explore
22. E L L B / UPD-CSSP / Alay Sining
23. F E B T / UPD-CSSP / Propaganda Officer 07-08, Student Alliance for the Advancement of Democratic Rights in UP (STAND-UP)
24. F A B T / UPD-CAL / binbinized.multiply.com / Alay Sining
25. Karen Elec Lapitan/ UP Los Baños/ Center for Nationalist Studies
26. Trixie Dauz/ UPD-CAL / muzstay4u.multiply.com / UP Theater Council, UP JMA
27. Rayna Reyes/ ADMU-SOH/ vihuela.multiply.com
28. Alfred Compra Jr. / Ateneo de Davao University / Secretary General SAMAHAN Student Council, Davao Coordinator of Nat'l Union of Students of the Philippines
29. Dakila Kim P. Yee/UPD-CSSP/ VC Socio-Civic Affairs UP PRAXIS/ sigma kappa pi

Pasismo sa pamantasan at kataksilan ng Akbayan

Vencer Crisostomo

SA NAKARAANG buwan, paparami at papatindi ang mga kaso ng panghaharas at paglabag sa mga karapatan ng mga mag-aaral sa kampus: mula sa mga di-makatarungang mga parusa na ipinapataw ng kanya-kanyang mga administrasyon, hanggang panghihimasok ng mga militar at direktang panghaharas sa mga aktibista sa loob ng kampus.

Kamakailan lang, lumabas sa balita ang pagdakip ng mga mag-aaral sa ilang ahente ng militar na kumukuha ng mga litrato at naniniktik sa mga mag-aaral sa PUP (Polytechnic University of the Philippines). Matapos ang insidente, tuluy-tuloy na lantarang nagsagawa ng mapanirang mga propaganda at harassment ang mga sundalo laban sa mga organisasyon ng mga mag-aaral, kabilang ang konseho ng mag-aaral at publikasyon.

Higit pang matindi ang kampanyang ala-batas militar (martial law) sa mga kampus sa mga rehiyon. Sa PUP-Lopez, Quezon, sinampahan ng gawa-gawang kasong rebelyon ang tatlong kasapi ng konseho ng mag-aaral, kasabay ng paninira at pananakot sa kanila at kanilang mga pamilya.

May iba't ibang antas ng paniniktik at panghaharas din na naiulat sa mga yunit ng Unibersidad ng Pilipinas at iba pang paaralan. Gayundin, ipinagmamalaki ng mga sundalo ang paglulunsad ng mga porum sa pampublikong mga hayskul na naninira sa progresibong mga organisasyon ng kabataan at nananakot sa mga mag-aaral.

Noong isang buwan, sa JRU (Jose Rizal University) naman, 19 na mag-aaral ang di-makatarungang sinuspinde, apat dito ang pinatalsik ng administrasyon dahil sa paninindigan nila sa mga katagang "pag-asa ng bayan" at paglulunsad ng kampanyang room-to-room laban sa Value-Added Tax.

Target ng panunupil ang kilusang masang nanguna sa mga walk-out at iba pang protesta ng kabataan at mamamayan laban sa korap at pahirap na rehimeng Arroyo. Takot ang rehimen sa higit pang paglawak at paglakas ng mga organisasyong nagtatanggol sa mga karapatan sa loob at labas ng kampus, lalo't inilalatag nito ang mga hakbang para makapanatili sa puwesto hanggang 2010 at lagpas pa.

Kasabay ng pagtindi ng pasistang mga kampanya sa paaralan, isang batas para sa "karapatan at kagalingan ng mga mag-aaral" ang isinusulong sa Kongreso. Sa una'y aakalaing progresibo pagkat ilalatag ang mga karapatan ng mga mag-aaral. Ngunit sa pagsusuri ng nilalaman, tatambad ang kataksilan ng panukala.

Inilalako ngayon ng Akbayan! Party-list -- isang partidong sa isang kampanya sa halalan ay idineklara ang sarili na "partido ng kabataan" -- ang Straw (Students Rights and Welfare) Bill of 2007 o HB 2584 ni Rep. Risa Hontiveros-Baraquel. Bersiyon nila ito ng nakaraang mga tangka na isabatas ang isang Magna Carta para sa mga mag-aaral. Sa lahat ng bersiyon, ito ang pinakamahaba at pinakadetalyado. Ito rin ang pinakamapinsala.

Inilantad ng iba't ibang organisasyon, sa pangunguna ng NUSP (National Union of Students of the Philippines), sa mga pulong sa loob ng Kongreso na ang mga panukala sa Straw Bill ay higit pang magpapamukhang lehitimo at magpapatigas ng panunupil sa mga pamantasan. Sa mga probisyon nito hinggil sa karapatan sa pag-oorganisa, kalayaan sa pagpapahayag, pagtatayo ng konseho at publikasyon, binibigyan pa nito ng puwang at lisensiya ang administrasyon ng mga paaralan para limitahan at kontrolin ang mga organisasyon, mga aktibidad at mga kalayaan ng mga mag-aaral.

Sa kongkreto, halimbawa, sa pag-apruba sa mga organisasyon sa loob ng paaralan at paglulunsad ng mga aktibidad, binibigyan nito ng masaklaw na kapangyarihan ang OSA (Office of the Student Affairs). Hinggil kalayaan sa pagpapahayag, nais ng probisyon na magkaroon ng isang lugar kung saan doon lang puwedeng magprotesta. Hinggil sa diyaryong pangkampus, pinaboran lang nito ang Campus Journalism Act o CJA, na ginagamit ngayon para ipitin ang pondo at paghigpitan ang mga publikasyong pang-kampus.

Nakakasuklam ang bahagi ng panukala hinggil sa pagtaas ng matrikula kung saan itinatakda na magkaroon ng "minimum na mga pamantayan (minimum standards)" ng konsultasyon sa bawat pagtataas. Sa aktuwal, bogus na konsultasyon gaya ng mga nagaganap sa kasalukuyan ang itinataguyod nito. Kung tutuusin, batay sa karanasan, dapat konsultasyon at pagsang-ayon (consultation and consent) ang isulong na patakaran.

Kataka-taka ring wala sa bersiyon ng Akbayan ang isang probisyong mayroon sa mga nauna, na tutol sa pagpasok ng militar sa mga pamantasan.

Siguro'y hindi nauunawaan ng mga sumulat ng panukala na bawat butas sa kanilang batas na puwedeng gamitin sa paniniil ay sasamantalahin ng administrasyon para kitlin ang karapatan ng mga mag-aaral – tulad ng ginawa sa CJA. Maaari ring wala talaga silang aktuwal na karanasan sa mga pakikibaka laban sa paniniil sa loob ng mga kampus at hindi naiintindihan ang mga implikasyon ng kanilang mga panukala. O, marahil, ito talaga ang kanilang pinipiling posisyon: ang pagbukambibig ng mga karapatan habang sa aktuwal ay pinapanigan ang mga puwersang sumisikil dito.

Para maakit noon ang mga kabataan na bumoto pabor sa kanila, ginamit ng Akbayan sa isa nilang poster ang mukha ni Che Guevara, isang tanyag na lider-rebolusyonaryo at icon ng mga progresibo. Pero ipinapakita ngayon ng kanilang praktika ang tunay na mukha ng kanilang pulitika: panig sa mga kleriko-pasista at taguyod ng tiraniya ni Gloria.